شقق البنتهاوس او (الروف الدوبليكس) هي عبارة عن شقتين (الدور الأخير والروف) وبتكون الأربع حوائط الخارجية لها من الزجاج ، انتشرت فى نيويورك في عشرينات القرن الماضي وكمان انتشر وجودها في مصر في السنوات الاخيرة .
انتشار شقق البنتهاوس في مصر :
بدأ النوع ده من الشقق الفاخرة في الإنتشار بشكل كبير جدا في المشاريع والكمبوندات في مصر “ في المناطق العمرانية الجديدة والأكثر رفاهية ورقيا زي التجمع الخامس ومدينة 6 أكتوبر والرحاب والشروق .
وفي الفترة الاخيرة كانت حلم لكتير من الناس اللي عاوزة تجمع ما بين المساحات الواسعة وسعر مقبول الى حد ما مقارنة بالمساحة اللي هيحصل عليها وبين الرفاهية والمميزات اللي بيتمتع بيها النوع ده من الوحدات السكنية .
من مميزات البنتهاوس !
- تتميز شقق البنتهاوس انمساحتها الداخلية كبيرة مابين 350 وحتى 600 مترو وانه يمكن استخدام مساحتها الخارجية كتراس او عمل حمام سباحة او تخصيص منطقة خضراء وأخرى لألعاب الأولاد.
- منعزلة عن السكان وعن الجيران لان الدور كله هيكون خاص بيك فهتستمتع بالحرية التامة والخصوصية و الرفاهية .
- ميزة الحوائط الأربعة الزجاجية للبنتهاوس انك هتقدر تشوف الفيو من كل جوانب شقتك وتستمتع بالمناظر الطبيعية طول الوقت
- تتميز بالتهوية والهدوء التام لأنها بعيدة عن الشارع والازعاج من أصوات السيارات والباعة الجائلين .
- بعض المشاريع العقارية بتخصص ليها مصاعد خاصة و مداخل خاصة .
- بتتوفر فيها وسائل الرفاهية الكاملة لما جعل هذه النوع من الوحدات السكنية أكثر ثمنا من غيرها .
اسعار البنتهاوس :
شقق البنتهاوس أغلى الشقق ثمناً وبتكون حسب المساحة والمكان ونوع الترخيص للعقار، وبرغم كدة فهي بتشاهد اقبال شديد جدا من الناس لتحقيق حلمهم في رفاهية أكثر.
لو انت من محبي الهدوء و الاستقلال والخصوصية وعايز تعيش حياة الرفاهية الكاملة ، فالبنتهاوس هي الحل الأمثل ليك لحياة أكثر رقيا ورفاهية.
أعرف أكثر عن انواع العقارات
